toredu jeevisa

ತೊರೆದು ಜೀವಿಸಬಹುದೇ

Pt Venkatesh Kumar

ಹರಿ ನಿನ್ನ ಚರಣಗಳ ಬರಿದೆ ಮಾತೇಕಿನ್ನು ಅರಿತು ಪೇಳುವೆನಯ್ಯ.

1 ತಾಯಿ ತಂದೆಯ ಬಿಟ್ಟು ತಪವ ಮಾಡಲು ಬಹುದು,

ದಾಯಾದಿ ಬಂಧುಗಳ ಬಿಡಲು ಬಹುದು,

ರಾಯತಾ ಮುನಿದರೆ ರಾಜ್ಯವನೆ ಬಿಡಬಹುದು,

ಕಾಯಜಾ ಪಿತ ನಿನ್ನ ಅಡಿಯ ಬಿಡಲಾಗದು.(ತೊರೆದು)

2 ಒಡಲು ಹಸಿಯಲು ಅನ್ನವಿಲ್ಲದಲೆ ಇರಬಹುದು,

ಪಡೆದ ಕ್ಷೇತ್ರವ ಬಿಟ್ಟು ಹೊರಡಬಹುದು,

ಮಡದಿ ಮಕ್ಕಳ ಕಡೆಗೆ ತೊಲಗಿಸಿಯೆ ಬಿಡಬಹುದು,

ಕಡಲೊಡೆಯ ನಿನ್ನಡಿಯ ಗಳಿಗೆ ಬಿಡಲಾಗದು.(ತೊರೆದು)

3 ಪ್ರಾಣವನು ಪರರು ಬೇಡಿದರೆತ್ತಿ ಕೊಡಬಹುದು,

ಮಾನದಲಿ ಮನವ ತಗ್ಗಿಸಲು ಬಹುದು,

ಪ್ರಾಣನಾಯಕನಾದ ಆದಿ ಕೇಶವರಾಯ,

ಜಾಣ ಶ್ರೀ ಕೃಷ್ಣ ನಿನ್ನಡಿಯ ಬಿಡಲಾಗದು.(ತೊರೆದು)